Бардык жаңылыктар

Урматтуу кардарлар!

2026-жылдын 1-январынан тартып Кыргыз Республикасында салык карызын өндүрүү тартибине өзгөртүүлөр күчүнө киргендигин маалымдайбыз. Эми салыктык төлөм талабы (СТТ) механизми юридикалык жактарга жана жеке ишкерлерге гана эмес, жеке жактарга да колдонулат.

Бул эмнени билдирет:

• салык карызы болгон учурда салык органдары банкка СТТ жөнөтүүгө укуктуу;
• СТТнын негизинде банк кардардын эсебинен акча каражаттарын эсептен чыгарууга жана аларды бюджетке которууга милдеттүү.

⚠️ Маанилүү:

• эсептен чыгаруу тастыкталган салык карызы болгондо гана жүргүзүлөт;
• ар бир СТТ үчүн Банктын комиссиясы 20 сомду түзөт;
• Банк эсептен чыгаруу боюнча чечим кабыл албайт жана салык органдарынын талаптарынын негизинде гана иш алып барат.

📌 Сунуштайбыз:

• салык карызынын бар-жогун өз убагында текшерип турууну;
• салыктарды белгиленген мөөнөттө төлөөнү;
• суроолор жаралган учурда салык органдарына кайрылууну.

Салык карызынын бар-жогун алдын ала текшерип, аны өз убагында төлөөнү сунуштайбыз.

Түшүнгөнүңүздөр үчүн ыраазычылык билдиребиз!

📄 Ченемдик база: Кыргыз Республикасынын Салык кодексинин 85-беренеси (салыктык төлөм талабы)