Бардык жаңылыктар

Урматтуу кардарлар!

«Оптима Банк» ААК чек ара аралык төлөмдөрдүн мүмкүнчүлүктөрүн кеңейтип, Банктын бардык бөлүмдөрүндө KWIKPAY акча которуу системасы ишке киргизилгендигин маалымдайт.

Эми кардарлар дүйнөнүн 18 өлкөсүнө тез жана ишенимдүү акча жөнөтө алышат, ошондой эле Россиядан, Казакстандан, Өзбекстандан, Түркиядан жана Армениядан которууларды ыңгайлуу кабыл ала алышат.

Комиссиясыз жөнөтүүгө мүмкүн болгон багыттар:

• Казакстан жана Азербайжан — картага дароо чегерүү;
• Кытай — WeChat, Alipay капчыктарына жана UnionPay карталарына чегерүү;
• Түштүк Корея жана АКШ — банктык эсепке түз чегерүү;
• Өзбекстан — Uzcard жана Humo карталарына улуттук валютада (сум) чегерүү.

Жөнөтүү үчүн жеткиликтүү башка багыттар:

• Россия — накталай алуу менен же телефон номери / карта номери боюнча;
• Армения, Түркия, Өзбекстан — АКШ долларында (USD) накталай алуу менен;
• Индия, Индонезия, Таиланд, Вьетнам, Шри-Ланка, Филиппин, Египет жана БАЭ.

Которууну кантип жөнөтүү же алуу керек: Операцияны Банктын каалаган филиалынан же сактык кассасынан паспортту көрсөтүү менен жүргүзүүгө болот:

• Жөнөтүү үчүн: банктын кызматкерине бара турган өлкөнү жана алуучунун маалыматтарын билдирүү зарыл;
• Алуу үчүн: паспортту көрсөтүп, которуунун контролдук номерин айтуу жетиштүү.

Багыттар боюнча толук тарифтер менен Банктын бөлүмдөрүнөн же 9595 кыска номери боюнча күнү-түнү иштеген Контакт-борбордон (уюлдук телефондон чалуу акысыз) таанышууга болот.

Жакынкы бөлүмдү табуу үчүн «Офистердин иштөө тартиби» бөлүмүнө өтүңүз.

Оптима Банк — сиздин ишенимдүү каржылык өнөктөшүңүз!