"Бала үчүн Optima'ны" Optima24 мобилдик тиркемеңизден жол-жоболоштурсаңыз болот. 

Бул үчүн башкы бетте "Бала үчүн Optima" → Тариздөөгө өтүү баскычын басыңыз. 

Баланы каттоодон өткөрүүнүн 2 жолу бар:  

1. Түндүк аркылуу. 
2. Кол менен маалымат киргизүү. 

Каттоодон өтүүнүн ыңгайлуу жолун тандап, экрандагы кийинки кадамдарды аткарыңыз. 

Картаны ачуу үчүн бала Optima24 мобилдик тиркемесине кириши керек.

Каттоодон өтүү үчүн баланын өзүнүн жеке уюлдук телефон номери болушу керек.  
Эгерде сиз 1ден ашык баланы каттап жатсаңыз, анда ар биринин өзүнүн жеке уюлдук телефон номери болушу керек. 

Картаны 6 (алты) жаштан 16 (он алты) жашка чейинки балдарга ачса болот (б.а. 6 жаштан 15 жашка чейинкилерди кошуп, 16 жашты кошпойт).  

Эгерде сизде Түндүктөгү туулгандыгы тууралуу санариптик күбөлүк боюнча маалыматтар көрсөтүлбөсө, анда жакынкы ККБга кайрылышыңыз керек. 

“Бала үчүн Optima” ачуу үчүн кол менен маалымат киргизүүнү да колдонсоңуз болот.

“Бала үчүн Optima” ачуу туулгандыгы тууралуу күбөлүктө көрсөтүлгөн ата-энелердин бирине гана жеткиликтүү.  

Бир ата-энеге балдарга ачылган жалпы саны 5 (беш) картадан ашпашы керек.  
1 (бир) балага 1 (гана) карта ачылат. 

Optima24тө карта менен дароо бардык операциялар жеткиликтүү болот - төлөмдөр/которуулар, анын ичинде QR аркылуу операциялар. 

Маалыматтарды кол менен киргизүүдө документтердин аныктыгы текшерилет, эгерде жүктөлгөн документтин сапаты окулбаса же ата-эне жана бала боюнча маалыматтар дал келбесе, анда кайрадан катталуу керек болот. 

Туура маалыматтар алынганда, Optima24 мобилдик тиркемесиндеги баланын аккаунтунун бөгөтү ачылат.  

Бала Optima24тө катталгандан кийин, Optima24 мобилдик тиркемесинде ата-энеде "Ата-эненин кабинети" бөлүмү түзүлөт, анда анын бардык балдары жана алардын карталары көрсөтүлөт. 
Бала ата-энесинин бири тарабынан гана катталышы мүмкүн жана аны каттаган адамдын гана "Ата-эненин кабинетинде" көрсөтүлөт. 

Экинчи ата-эне баланы карта ачылганга чейин каттай алат. 
Карта бала мобилдик тиркемесине ийгиликтүү киргенден кийин ачылат.  
Андан кийин баланы экинчи ата-энеге кайра байлоо мүмкүн эмес. 

Мобилдик тиркемеге кирүү мүмкүнчүлүгү бар картаны Кыргыз Республикасынын резиденттери гана ача алышат.  
Ата-эне – Оптима Банктын учурдагы кардары. 
Бир балага сом валютасында 1 гана картаны ачууга болот.

Тиркемедеги чектөөлөр баланыкы бойдон калат, бирок бала "Ата-эненин кабинетинде" көрүнбөй калат.  
16 (он алты) жаш толгондо толук мүмкүнчүлүк алуу үчүн Банктын бөлүмүндө паспорт менен каттоодон өтүү зарыл.  

Картаны биринчи жолу ачуу Optima24 мобилдик банкинги аркылуу гана онлайн каралган. 

Балдар картасын берүү баланын ата-энесине туулгандыгы тууралуу күбөлүктү милдеттүү түрдө көрсөтүү менен жүргүзүлөт. Банк картаны түздөн-түз Кардарга же нотариалдык жактан күбөлөндүрүлгөн ишеним каттын негизинде иш алып барган ишенимдүү адамга берет.   

Балага Optima Gold картасын жасаган ата-эне өзүнүн Optima24 мобилдик тиркемесиндеги "Ата-эненин кабинетинде" карта боюнча бардык операцияларды көрө алат: толуктоолор, алуулар, которуулар, сатып алуулар, төлөмдөр ж.б. 
Мындан тышкары, баланын картасы боюнча Push-билдирүүлөр ата-энеге кайталанат - сиз ар бир сатып алуу жөнүндө дароо билесиз.  
Баланын картасы боюнча Push-билдирүү кызматы акысыз.

Бала үчүн Optima Gold төлөм карталары боюнча бир айлык максималдуу чыгымдын суммасы: 

1. Банкоматтардан накталай акча алуу – 50 000 сом  
2. Пос-терминалдарда накталай эмес сатып алуулар – 50 000 сом  
3. Интернетте кызмат көрсөтүүлөргө төлөө – 50 000 сом 

Операциялардын саны чектелбейт. 
Optima Gold балдар картасынын тарифтери жана чектөөлөрү тууралуу кененирээк "бул жерден" тааныша аласыз. (бул жер деген сөз сайттагы Тарифтерге алып барышы керек)  

Чектөөлөр Optima24 тиркемесинде айына 150 000 сом өлчөмүндө белгиленген.  
Чектөөлөрдү Optima24 тиркемесиндеги баланын картасы боюнча "Ата-эненин кабинетинен" азайта аласыз. 
Optima Gold баланын картасынын чектөөлөрүн көбөйтүү каралган эмес.  

Ата-эне баланын картасын бөгөттөй алат, баланын карталары боюнча чектөөлөрдү жана жазылууларды башкара алат, карта боюнча көчүрмөлөрдү түзө алат, операциялардын тарыхын көзөмөлдөй алат.